har signal pe khhade; ek jaise dikhne wale yeh log
sarkari kursi pe baithe; roz bikne wale yeh log
banjar zameen pe aansu giraane wale yeh log
kamzor ko apni taakat se; dabane wale yeh log
yeh hum he hain...yeh hum he hain...
bhukhe pait; nange paer; num aankhon se jab koi
hamari aankhon ke sheeshe ko saaf karta hai
har dil mein tab hindustan banta hai...
lambi gaadiyon mein; chhote dil wale yeh log
mandir masjid mein; bhagwaan bithaane wale yeh log
badi mehfilon mein buth jaise dikhne wale yeh log
peeth pichhe khhanjar; khob kar jaane wale yeh log
yeh hum he hain...yeh hum he hain...
burqe mein chhipi aankhon ne aksar yeh byaan kiya hai
jism frosh se nahi; jism froshon se he bazaar banta hai
har ghar aise he hindustan banta hai...
shaheedon ki barsi pe; jashn manane wale yeh log
chandd sikon; aadhi botal pe; vote baich aane wale yeh log
paid panchhiyon; nadiyon ko dafnaane wale yeh log
apni he galiyon mein khauff; failaane wale yeh log
yeh hum he hain...yeh hum he hain...
meelon chal kar musqil se haasil jo huya
do boond paani ka bhi jab; hisaab banta hai
khoon kar har katra tab hindustan banta hai...
rangeen siyaaheeyon se nahi; zakhmo ke khoon ki kalam se
koi bebas shayar; jab shabdon ka shamshaan banta hai...
ussi chupi mein asli hindustan banta hai...
ussi chupi mein asli hindustan banta hai.....